Бүген 10 нчы сентябрь көнне Бөтендөнья «Татарча диктант» чарасы уза. Диктантның  максаты: туган телебез – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, туган тел (татар теле) укытучыларын тагын да популяштыру.

 Көндезге сәгать 11дә мәктәбебез әти-әниләре, укытучылары, укучылары (укучылар- 30 кеше, укытучылар - 9 кеше, әти-әниләр -15 кеше)  «Татарча диктант» акциясендә катнашырга җыелдылар. Алар татар теленнән үзләренең белем дәрәҗәсен сынап карады. Диктант тексты итеп Гомәр Бәшировның “Чишмә моңы ничек җыр булды?”өзеге бирелгән иде.