“Татарча  диктант” белем тикшерү акциясе “2014нче–2020 нче елларда Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү” дәүләт программасын гамәлгә ашыру кысаларында уздырыла башлады. Татарстан Республикасының “Татар халкының милли үзенчәлеген саклау (2020-2023 еллар)дәүләт программасын гамәлгә ашыру кысаларында уздырыла.

 Акция –ел саен уздырыла һәм теләге булган һәр кеше катнаша ала торган бушлай белем бирү акциясе.

Акциянең максаты –татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру.

Диктант Россия Федерациясенең барлык субъектларында, чит илләрдә һәм Татарстан Республикасының районнарында бер үк көндә уздырыла.Уздыру көне һәм вакыты: 2020нче елның 26нчы сентябре, сәгать 11:00.

Мәктәбебезнең әти-әниләре, укытучылары, укучылары акциядә актив катнашырлар дип уйлыйбыз.