29нчы февраль көнне Берләшкән Милләтләр Оешмасы, ЮНЕСКО инициативасын хуплап, күптеллелекне яклау йөзеннән шәһәребезнең музыка мәктәбе базасында “Халыкара туган тел көне” бәйрәме узды. Әлеге чарада шәһәр һәм район авылларыукучылары Г.Тукай, М.Җәлил, Х.Туфан, Г.Афзал, З.Насыйбуллин, В.Гардеечев шигырьләрен сәнгатьле итеп сөйләделәр, безнең мәктәпнең “Элегия” хореография төркеме татар, рус биюләрен башкардылар, татарларның гимнына әверелгән сөекле Тукаебызның «Туган тел», В.Фәттахова башкаруында таныш «Туган як», «Туганнар» исемле чуваш җырын башкардылар, флейта, курайда, скрипкада татар көйләрен, моңнарын бөтен залга яңгыраттылар. Бу бәйрәм көннән башлап традицион “Мин татарча сөйләшәм!” акциясе старт алды. Мондай чаралар, акцияләр татар телен тирәнтен өйрәнүгә бер этәргеч кебек, яшь буенны туган телендә аралашуга тарта.