Бүген "Йолдыз" хезмәт һәм ял лагерендә ябылу бәйрәме үтте.Балалар концерт номерлары белән тәрбияче апа абыйларын шатландырды.Балаларга тагын бер кат куркынычсызлык кагыйдәләре аңлатылды.Бүләкләр бирелде.18 көн безнең белән эшләгән һәм ял иткән хезмәттәшләремә зур рәхмәт!

Мәктәптә бүген 9нчы һәм 11нче класс укучыларына аттестат бирү тантанасы үтте.Укучыларның уңышлары барыбызны да сөендерде. 9 нчы  класс укучысы һәм 11 нче кллассның ике укучысы мәктәпне бары "5"ле билгеләренә генә тәмамлады.Барлык укучыларга уңышлар телибез! 

Һава торышы эссе булу сәбәпле "Йолдыз"лылыр көннең беренче яртысын бакчада эшли. Мавыктыргыч уеннарны Лариса апалары белән төштән соң уйныйлар.

Безнең һәр көнебез кызыклы үтә.Күңелсезләнеп торыр өчен безнең вакытта теләктә юк."Йолдызда" бары уңган, тырыш,сәләтле балалар ял итә.

Хәтер көне уңаеннан "Йолдыз"да төрле чаралар үтте.Иртәнге тезелү бер минут тынлык белән башланды.Ватан өчен вафат булганнарның батырлыгы мәңгелек.Һәйкәл янын чистарттык.Көннең икенче яртысын  сугыш турында кызыклы фильм карап үткәрдек.

Бүген балалар туган як табигате белән танышып кайтты. Лагерь тормышы бик күңелле үтә.Хезмәт һәм ял чиратлашып барганда көннең дә үткәне сизелми икән.

Бүген "Йолдыз"га МЧС хезмәткәре Абдуллин Әлфис абый килде.Ул балаларга янгын куркынычсызлыгы кагыйдәләре турында сөйләде.Көннәрнең бик эссе торуын исәпкә алып ,су буенда ялгыз гына төшмәскә һәм суга кермәскә кушты.

Бакчада беренче уңыш җыеп алынды.Бакча җиләге быел мул уңыш бирер дип көтелә.Легерь да ял итүче балалар җиләкне бик теләп җыялар.Технология укытучысы Мөхәммәтшин Ә. тырышып эшләүнең яхшы нәтиҗә бирүенә ышана.

Без бүген зур эшләр белән тагын бер көнне үткәрдек. Иртә Бөек Ватан сугышында вафат булган авылдашларны искә алу белән башланды.План нигезендә бакчада эшләү,күңелле уеннар көннең бик тиз үтүенә сәбәп булды. 

                             Хәтерләүдән курыкма син!

 Үткәннәрне онытма син!

 Исеңдә тот, аларның син

 Сугышларда кан түккәнен,

 Туган җирнең иреге өчен

 Зинданнарда интеккәнен...