27 нче ноябрь көнне Татар гимназиясендә “Укучыларга белем бирү процессында тәнкыйди фикерләүне үстерү методикасын куллану” дигән темага чираттагы семинар үтте. Семинарга милли мәктәпләрнең татар теле һәм әдәбияты укытучылары чакырылган иде. Семинарны мәгариф идарәсенең  милли мәсьәләләр буенча методисты Г.Җ.Хәбибуллина  ачты. Укытучылар игътибарына татар теле укытучысы Нәбиуллина З.Г. 5 нче сыйныфта “Сорау җөмлә” темасына тәнкыйди фикерләүне үстерү методикасын үстерү буенча ачык дәрес, татар теле укытучысы Әүхәдиева Д. М. 5 нче сыйныфта дәрестән тыш эшчәнлек буенча  әзерләнгән “Өч кыз” әкиятен тәкъдим иттеләр. Шулай ук татар теле укытучысы Гатиятуллина Р. С. 9 нчы сыйныфларны имтиханга әзерләү буенча чыгыш ясады. Ул үз чыгышында укучыларның имтихан бирү вакытында индивидуаль-психологик үзенчәлекләрен исәпкә алырга кирәклеге, психологик – педагогик ярдәм турында сөйләде. Семинар фикер алышулар, алда торган бурычларны барлау, эшләнгән эшләргә нәтиҗәләр ясау белән төгәлләнде.