Бөек  Җиңүнең 70 еллыгы уңаеннан гимназиядә укучыларга патриотик тәрбия бирү буенча максатчан эш алып барыла.  12 нче  март көнне  9 нчы А сыйныф  укучылары Бөек Ватан сугышы ветераны  Миннебаева Анна Васильевна белән очрашты. Хәзерге вакытта  Зәй  шәһәрендә яшәүче ветеран  кызы Әлфия белән яши. Смоленск, Прага, Варшава сугышының үзәгендә кайнап,   бик күп орден-медальләргә лаек булган ветеран укучыларга сугышчан юлы турында күз яшьләре белән сөйләде, чын кеше булу өчен тырышып укырга, хезмәтне яратырга кирәклеген әйтте.