Белем бәйрәме – балачак хатирәсе булып һәрберебезнең күңел түрендә саклана торган көн ул. Иң матур кеше – белемгә омтылган кеше. Укытучымы сез, укучымы, көзнең бу беренче бәйрәме һәркем өчен якын. Белемдә – бәхет, белемсезгә – дөнья ләхет, ди бит татар халык мәкале дә. Шуңа күрә һәрчак белемле булыйк, белемгә омтылыйк! Быел беренче мәртәбә парта артына утыручылар тырышып укысын, бетмәс-төкәнмәс белем хәзинәләрен ачсын.Беренче кыңгырау чыңлавын, беренче укытучысын һәм мәктәп дусларын искә алмаучы кеше юктыр мөгаен. Быелгы гыйлем көне — укуда һәм һөнәри эшчәнлектә яңа казанышлар һәм җиңүләр башлангычы булсын!