«Россия бөркетләре» программасы башлангыч сыйныф укучыларының социаль активлыгын үстерүгә юнәлдерелгән. «Россия бөркетләре» «Мәгариф» милли проектының «Россия Федерациясе гражданнарына патриотик тәрбия бирү» федераль проекты кысаларында тормышка ашырыла.
Ул балаларны, укытучыларны, ата – аналарны берләштерә. Командада эшләнгән аларның кечкенә эшләре киләчәктә зур планлы эшләргә дә әверелергә мөмкин. Игелеклелек, тарих белән кызыксыну, иҗат, туган як табигатен саклау – киләчәктә һәрбер укучының тормыш рәвеше булырга тиеш.  Бүген, 11 нче ноябрьдә гимназиябезнең беренче  сыйныф укучыларын «Россия бөркетләре» сафларына кабул итү тантанасы үтте. Чара Россия Федерациясе һәм Татарстан Республикасы Дәүләт Гимны белән тантаналы рәвештә ачылды. Укучыларга махсус билге (значоклар) тапшырылды. Аларга киләчәктә уңышлар телибез.