Бүген, ягъни 19 нчы гыйнвар көнне гимназиябездә күренекле язучы, драматург, җәмәгать эшлеклесе, прозаик, якташыбыз Рабит Батулла укучылар белән очрашты. Әлеге чарага укытучылар һәм укучылар тарафыннан Батулла әкиятләре буенча иллюстрацияләр, китаплар күргәзмәсе ясалды, монтаж әзерләнде. Рабит ага укучыларны һәрвакыттагыча үзенең ораторлык осталыгы һәм курай моңы белән җәлеп итте. Укучылар Рабит абыйга үзләрен кызыксындырган сорауларны яудырдылар. Җор телле язучыбыз сорауларга мисаллар китереп җавап бирде. Очрашу бәйрәм-әңгәмә рәвешендә узды.