Бүген гимназиябездә психология атналыгы башланып китте. Укучылар өчен «Игелеклелек турында табышмаклар» дигән чара узды. Әлеге чарада балалар үзләренең уңай сыйфатларын атадылар, игелек сүзен әкият герое белән чагыштырдылар. Төрле сорауларга җавап бирделәр:
«Әгәр Игелек әкият герое булса, ул кайда яшәр иде?»
«Ул нинди булыр иде?»
«Ул нәрсә эшләр иде?»
«Кем белән аралашыр идең?»
Чара бик җылы, күңелле атмосферада үтте. Балалар бик күп тәэсир, уңай эмоцияләр алдылар.
Чараның ахырында укучылар флешмоб биеде.