«Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү» дип исемләнгән дәүләт программасын гамәлгә ашыру кысаларында, 13 нче октябрьдә районыбыз мәктәпләрендә дөньякүләм «Татарча диктант» акциясе уздырылды. Диктант язу пунктлары итеп китапханәләр, мәктәпләр, балалар бакчалары билгеләнде.
Әлеге акция грамоталы язу, әдәби татар телен белү, орфографик һәм грамматик хаталарны тикшерүгә юнәлтелгән. Әлеге акция Татарстанның барлык шәһәрләрендә һәм районнарында, Россия төбәкләрендә, чит илләрдә дә уза. Диктант нәтиҗәләре бер айдан билгеле булачак. Билгеләрне diktant.tatar сайтына кереп, телефон һәм код буенча карап булачак.