Балалар китап укырга яратмый, китапханәләргә йөрми, язучылар турында белми, диләр.Чыннан да, бүгенге заман баласының тормышка карашы, уй-теләкләре, ихтыяҗлары бөтенләй башка. Алар китапка түгел, компьютерга тартыла. Бу хакта белгечләр чаң кагып, әти-әниләрнең игътибарын җәлеп итәргә тырыша, шул рәвешле ул глобаль проблемага әйләнеп бара кебек. Бу очракта  укытучылар нишли ала соң? Бик тырышсаң, сукыр күздән дә яшь тама дигән кебек, балаларны, яшьләрне китапханәләргә җәлеп итәргә, җирле язучылар иҗаты белән таныштыру нисбәтеннән, очрашулар уздырырга кирәк.Шул максаттан чыгып, гимназиябездә Зәебезнең җирле язучысы Фәния Хәйдәр кызы Әгъзәмова белән очрашу үткәрдек.   Кунагыбыз  тормыш һәм иҗат юлы белән таныштырды, балалар өчен чыгарылган  шигырьләрен укып китте,кызыклы уеннар оештырды