1 октябрьдә педагогик хезмәт ветераннары белән очрашу булды. Мәктәп кадерле кунакларны – үз гомерләрен аңа багышлаган укытучыларны каршы алды. Ветераннарны ишек төбендә каршы алып, укытучылар аларны актлар залына озаттылар, анда кунакларны концерт һәм чәй өстәле көтә иде. Хәзер алар барысы да лаеклы ялда, әмма үз укучылары күңелендә мәңгегә яраткан укытучылары, акыллы остазлары, кайчак таләпчән һәм нык, кайчак күңелле һәм һәрвакыт ярдәм итәргә әзер булдылар. Очрашу җылы дустанә шартларда узды. Иң әүвәл катнашучыларга кечкенә генә сүз белән Гатиятуллина Рәфисә Сәетгәрәй кызы, тәрбия эше буенча директор урынбасары мөрәҗәгать итте. Һәрбер укытучы өчен ул игелекле сүзләр тапты, аларның хезмәтләрен искә төшерде, мәктәп өчен башкарган эшләре өчен рәхмәт белдерде.  Ветераннар алдында «Легенда» хореография коллективы чыгыш ясады. Чараны 10 сыйныф укучылары-Кузьмина Алевтина, Мартемьянова Юлия һәм Вәлиуллин Илнур алып барды. Аннары укытучылар чәй эчтеләр, сөйләштеләр, көлделәр. Кичә ахырында Безнең атказанган ветеран педагогларга чәчәкләр бүләк иттеләр һәм барлык катнашучылар истәлеккә фотога төштеләр. Кадерле ветераннарыбызның янә мәктәп атмосферасына чумуларына, үзләрен яшь, актив хис итүләренә, хезмәттәшләре белән аралаша алуларына без бик шат. Сезгә нык сәламәтлек һәм бәхетле еллар телибез!