Яңа ел һәр йортта, һәр гаиләдә көтеп алынган иң яраткан, игелекле, әкияти бәйрәм. 
27 декабрь көнне башлангыч сыйныф укучылары өчен яңа ел бәйрәме үткәрелде. 1-4 сыйныфның сыйныф җитәкчеләре балалар белән шигырьләр, җырлар, биюләр, яңа ел әйлән-бәйләннәрен өйрәнделәр. Сыйныф бүлмәләрен матурлау буенча укытучылар зур эш башкардылар.
Балаларның өметләре акланды. Кузьмина Алевтина, Хәлиуллин Эмиль, Абдуллина Дания, Ананьева Лиана, Галина Элина, Ольга Евгеньевна, Рәфисә Сәетгәрәй кызы һәм Лира Илмир кызы үзләренең барлык иҗади осталыкларын, артистлык, дәрт һәм оештыру сәләтен күрсәтеп, үзләрен яхшы артистлар итеп күрсәттеләр. Аларга Юлбарысларга һәм башка әкияти персонажларга кушылып, тамаша вакытында музыка өчен җавап бирергә туры килде.