Гимназиядә Туган телләр һәмхалыкларбердәмлеге елы кысаларында  чаралар үткәрелү дәвам итә. Бүген, 19 март көнне, 8 нче сыйныф укучылары  тарафыннан әзерләнгән  Нәүрүз бәйрәме узды.  Нәүрүз – төрки һәм фарсы телле халыкларның бик борынгыдан килгән Яңа елны каршылау бәйрәме ул. Фарсы теленнән ул “яңа көн” дип тәрҗемә ителә. Ул 21 мартта көн белән төн тигезләшкән көнгә туры килә. Бу көнне малайлар һәм кызлар, һәр өйгә кереп, хуҗаларга такмак-такмазалар әйткәннәр, аларны бәйрәм белән котлаганнар, кешеләргә изге теләкләрен теләгәннәр. Бәйрәмдә 4 нче сыйныф укучылары да катнашты. Чара бик күңелле узды. Җыр,  биюләргә  уеннар да кушылды. Бәйрәмнең кунаклары – Нәүрүзбикә белән Кыш бабай да уеннарда бик теләп катнаштылар.  Шулай ук укучылар тапкырлыкта да көч сынаштылар.