Ниһаять, көтеп алган Яңа ел бәйрәмнәре дә килеп җитте. Инде берничә көннән 2019 нчы ел белән хушлашырбыз. Шул рәвешле бүген, 25 нче декабрь көнне, гимназиябездә «Чыршы белән булган хәл» исемле кичә узды. V, X сыйныф укучылары, Сулейманова Л.И., Гатиятуллина Р.С. зур хезмәт куеп әзерләнгән бу тамаша искиткеч матур һәм эчтәлекле булды. Чарага һәр сыйныф үзенең театральләштерелгән музыкаль чыгышларын әзерләде. Бәйрәмгә ата-аналар да бик теләп килделәр. Һәрбер бала Кыш бабай бүләгенә ия булды.