Бөек Ватаныбызның тугрылыклы солдаты, үз иле, үз туган җире, туган туфрагы өчен чын күңеленнән кайгыртучы батыр сугышчы, кайнар йөрәкле шагыйребез Фатих Кәримнең 9 нчы гыйнварда туган көне билгеләп үтелде. Гимназиябезнең 6 нчы сыйныф укучылары, шагыйрьнең тормыш юлы һәм иҗаты белән белән танышу, шигырьләре турында фикер йөртә белергә өйрәнү,аның туган иленә тугрылыклы, патриот- шагыйрь булуына басым ясау максатыннан, шәһәребезнең үзәк китапханәсендә түгәрәк өстәлдә катнаштылар. Укучылар шагыйрьнең шигырләрен кызыксынып тыңладылар һәм үзләре дә укып күрсәттеләр. Очрашу бик җанлы барды.