Зәңгәр күк йөзендә кояш балкыган чагында, шаулап – гөрләп яз килгәндә, татар халкының йөзек кашы булган бөек шагыйребез дөньяга килгән. Бүген, 26 нчы апрель, бөтендөнья татар халкы Габдулла Тукайның туган көнен билгеләп үтә. Районыбызда да шагыйрьгә багышланган күп чаралар  узды. «Энергетик»  мәдәният сараенда  мәдәният хезмәткәрләре  белән  берлектә гимназия укытучылары, укучылары тарафыннан әзерләнгән  «Без –Тукайлы халык мәңгегә»  дип исемләнгән бәйрәм  үткәрелде. Әлеге чарада Г.Тукайның шигырьләре  укылды,  әкиятләреннән өзекләр күрсәтелде,  җыр һәм биюләр үрелеп барды.