С.Рәфыйков исемендәге китапханәдә күпкырлы талант иясе, язучы, Татарстан Республикасының халык шагыйре Фәнис Яруллинның иҗатына багышланган әдәби - музыкаль кичә узды. Фәнис Яруллин гомеренең һәр тәүлеген аяусыз көрәштә үткәргән, язмыш сынавына бирешмәгән шәхес. Бәйрәмдә татар гимназиясенең 7 нче сыйныф укучылары да катнашты. Әлеге кичәдә фаҗигале язмышлы шагыйрьнең искиткеч осталык белән язылган шигырьләре, аның сүзләренә язылган җырлар яңгырады.