24 нче октябрь көнне гимназиядә  эшләп килүче “Юнармия” хәрби-патриотик хәрәкәте әгъзалары һәм җитәкчесе  Магдиев Арслан Рөстәм улы,  сугыш  ветераны   Моисеева Анна Ивановна белән очрашты.  Ул   фронт тормышы, сугыш елларында кешеләрнең ничек яшәүләре, Берлинга кадәр барып җитүе турында укучылырга сөйләде. Ветеран үзенең чыгышында укучыларны белемгә омтылырга, тырыш булырга, спортны яратырга өндәде.  Өлкән буын буларак төпле киңәшләрен бирде. Армия хезмәтенең, аңа алдан ук әзерлек алып бару нечкәлекләрен һәм егет кешенең Ватан алдындагы бурычын лаек итеп үтәргә тиешлеген мавыктыргыч итеп аңлатты.