20 нче апрельдән 26 апрельдә кадәр  гимназиядә  бөек шагыйребез Габдулла Тукайның туган көненә багышланган атналык узды. Атналыкны үткәрү буенча алдан план төзелде. Атналыкта  сыйныф сәгатьләре һәм бөек шагыйрьнең  иҗатына багышланган  төрле  чаралар узды.  26 нчы апрель көнне  гимназиянең актлар залында шагыйребезнең тормыш юлына һәм иҗатына багышланган “Тамчы шоу” интеллектуаль уены үтте. Чараның максаты:  Г. Тукай турында алган белемнәрне тирәнәйтү, әдипнең иҗатын  өйрәнүгә кызыксынуны арттыру, алган белемнәргә нигезләнеп, укучыларның иҗади сәләтләрен үстерү, белемгә омтылыш тәрбияләү. Укучылар Г. Тукайның тормыш юлы һәм иҗаты буенча үзара белемдә көч сынаштылар. Шагыйрь яшәгән еллардан ераклашкан саен, аның иҗатының бөеклеге, асыл мәгънәсе тагын да куәтлерәк һәм тирәнрәк ачыла бара.  Әлеге чарадан укучыларыбыз өстәмә күп кенә кызыклы мәгълүматлар алдылар дип ышанып калабыз.