12 нче апрельдә  Космонавтика көнен билгеләп үтәбез. 1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше - очучы космонавт Юрий Алексеевич Гагарин. Галәмнең очсыз-кырыйсыз киңлекләрен  беренче ул күрә. Шушы вакыйгадан соң бу көн Космонавтика көне итеп билгеләп үтелә. Зәебез тарихы безнең космос белән бәйле дип әйтергә була. “Космос” яшьләр үзәге, Гагарин урамы, ”Чернушка” һәйкәле. Бүгенге чарада да әлеге исемнәр телгә алынды. Туган ягыбыз тарихы – халкыбыз тарихының аерылгысыз бер өлеше, мөһим өлеше ул. Аларны өйрәнү, үзең яшәгән төбәк белән горурлану хисләре тәрбияләү – һәрберебезнең бурычы. Бүгенге космонавтлар көне менә шулай укучыларыбыз исендә калыр дип ышанабыз.