Безнең гимназия укытучылар һәрвакытта ата-аналар белән тыгыз элемтәдә торабыз. Гимназиядә үткәрелгән күпчелек чаралар әти-әниләр белән берлектә үткәрелә. 2 нче апрельдә узган “Әти-әни һәм мин - спорт сөюче гаилә” дип исемләнгән ял көне клубы әнә шундыйларның берсе. Аның максаты булып: балалар һәм әти-әниләр арасында сәламәт тормыш рәвешен пропагандалау, балаларда үз сәламәтлегенә карата җаваплы караш, әти-әнисе белән горурлану хисе тәрбияләү, бала белән әти-әни арасын тагы да ныгыта булып торды. Кызыклы эстафеталар, ярышлар бик тиз үтеп китте.Төрле ярышлардан соң чара чәй табыны янында тәмамланды. Әниләр тарафыннан пешерелгән ризыклар табынны тагы да тулыландырды. Бу очрашудан барысы да бик күтәренке күңел белән таралдылар.