Март ае – яз башы, бик матур ай. Бу ай озак заманнар яңа елның беренче ае булып йөргән. Язның көн белән төн тигезләшкән вакыты – 21 март – Нәүрүз бәйрәме буларак билгеләнеп үтелгән. Әби –бабаларыбызның гореф-гадәтләрен дәвам итү һәм Нәүрүз белән очрашу максатыннын “Алтынчәч” балалар бакчасында бәйрәм булып үтте. Нәни дусларыбыз янында гимназиянең 2 нче сыйныф укучылары да булып кайттылыр. Бергәләп бу көнне теләк теләп,  яңа елда саулык-иминлек, кырларга бай уңыш, озын гомер теләделәр. Очрашу-бәйрәм бик күңелле узды.