Татар гимназиясе укучылары тормышында иң әһәмиятле һәм дулкынландыргыч бәйрәмнәрнең берсе булып гимназистка багышлау бәйрәме тора. Быел ул, 25 ноябрь көнне, үзенең  25 нче тапкыр булуы белән тагын да истәлекле һәм тантаналы рәвештә үтте. Ләкин1 сыйныф укучылары өчен бу бәйрәм беренче тапкыр, ә югары сыйныф укучылары бу көнне үзләренә алмашка килүче кечкенә иптәшләрен үз араларына кабул иттеләр.Бәйрәм җыр-бию белән үзара үрелеп барды. Бәйрәм ахырында барлык беренче сыйныф укучылары гимназиячеләр антын бирде. Алар намуслы, гадел, игелекле булырга, өлкәннәрне ихтирам итәргә һәм кечкенәләрне рәнҗетмәскә, бөтен укучы тормышы дәвамында гимназияче исемен горур йөртергә вәгъдә бирделәр.  Беренче сыйныф укучылары адресына күп җылы сүзләр әйтелде. Чара бер сулышта узып китте. Беренче сыйныф укучылары актлар залыннан горурлык тоеп ишеккә атлады. Алар хәзер гади укучылар гына түгел, алар – Гимназиячеләр!!!