19 нчы октябрь көнне  районның үзәк китапханәсендә  илебез халкы өчен “яшь”  бәйрәм – Халыклар бердәмлеге көненә багышланган  тарихи-танып-белү  сәгате узды. Уку залында  тарих фәне укытучысы  Калимуллин Рөстәм Радик улы  белән  6 нчы сыйныф укучылары булды. Китапханә хезмәткәрләре әлеге бәйрәмнең 1612 нче елгы вакыйгалар белән бәйле рәвештә барлыкка килүен укучыларга җиткерде.  Ил тарихындагы иң авыр һәм  иң мөһим  чорларда  Ватаныбызның  иреген һәм бәйсезлеген  саклап калырга нәкъ менә анда яшәүче  халыкларның бердәмлеге ярдәм итүен онытмау өчен кирәк булуы турында  сөйләнде. Бу чара  безнең өчен тормышта очрый торган проблемалар алдында  каушап калмаска, нык булырга чакыру да булып истә калды.