Бүген гимназиянең актлар залында, өлкән сыйныф укучылары,“ Экстремизм – юк!” айлыгы кысаларында балигъ булмаган балалар белән эшләүче полиция инспекторы Е. Ф. Бажанова белән очрашты. Елена Федоровна әңгәмә барышында “терроризм “ сүзенә басым ясады, аңлатып үтте һәм үзеңне, иптәшләреңне якларга, игътибарлы булу турында исләренә төшерде. Экстремизм һәм аның иң югары ноктасы булган терроризм проблемасы бүгенге көндә иң актуаль мәсьәләләрнең берсе икәнлеген балаларга җиткерде.