«Сәләт» V Халыкара яшьләр уку-укыту форумы 13 нче  июль көнне Биләр шәһәрендә узды. Форум Татарстаннан, Россиянең дистәләгән төбәгеннән, чит илләрдән 5 меңгә якын   балаларны җыйды.Анда республика, региональ һәм Россия күләмендә предмет олимпиадаларында һәм конкурсларда, смотрларда, фестивальләрдә, фәнни конференцияләрдә катнашучылар, лауреатлар очрашты. Чараның хөрмәтле кунагы - Татарстан Республикасының президенты Рөстәм Миңнеханов. 
Районыбыздан әлеге чарада  безнең  гимназия  укучылары:  Хаева Диләрә,  Гәлиева Миләүшә, Гәлиева Альбина,  Сәлимгәрәева Динаралар катнашты. Форум кысаларында укучылар зур фәнни-укыту һәм мәдәни программа белән танышып, тематик мәйданчыклар һәм республика, Россия Федерациясенең танылган шәхесләре белән очрашты. Укучыларыбыз Биләрнең табигате белән хозурланып, "Изгеләр чишмәсенең” шифалы суларын эчеп, күңелле ял иттеләр.