Балаларны туган телдә сөйләшергә өйрәтү – мәктәпкәчә белем бирү учреждениеләренең төп бурычларыннан берсе. Яңа материалны аңлату, ныгыту, үткәннәрне кабатлау, балаларны дөрес сөйләм үрнәкләренә өйрәтү, эшчәнлекләрен активлаштыру төрле алымнар һәм чаралар ярдәмендә тормышка ашырыла. Балаларны уенга җыя белү дә зур әһәмияткә ия. Моны төрле юллар белән эшләргә мөмкин. Сөйләм телен үстерүдә, дөрес итеп сөйләргә өйрәтүдә сүзле, сюжетлы уеннарның роле зур. Уен барышында балалар сүзләрне күмәк төстә кабатлыйлар, яңа сүзләрне дөрес әйтергә өйрәнәләр, бер-берсе белән аралашалар. Бүген мәктәптәкә әзерлек төркеме балалары "Тәмле кафесы" нда булдылар. Алдан өйрәнгән татарча сүзләрне мөстәкыйль рәвештә кулландылар. Эшчәнлек балаларга бик ошады. Уен барышында алар бер-берсе белән саф татарча аралашырга өйрәнделәр.
Нәтиҗә ясап шуны әйтергә кирәк: төрле алымнар кулланып, сөйләм телен үстерү балаларның сүзлек байлыгын арттыра, тел элементларын дөрес, төгәл, урынлы кулланырга мөмкинлек бирә.