Яңа ел - ул тылсым, елмаю һәм бәхет мизгеле. Бу бәйрәмдә һәркем әкияткә ышана, ниндидер гаҗәеп, серле, мавыктыргыч һәм, һичшиксез, онытылмаслык бер атмосферага чума ала. Бу бәйрәм һәркем өчен дә күңелле. Бөтен балалар Яңа ел якынлашуын түземсезлек белән көтәләр. Ә без, өлкәннәр, алар өчен бу бәйрәмне мөмкин кадәр яктырак итәргә тырышабыз! Яңа ел иртәләре - балалар бакчасында иң көтелгән бәйрәмнәрнең берсе. Балалар өчен бу үзенчәлекле һәм дә күңелле мизгел, алар әкиятнең, күңел ачуның тылсымлы дөньясына чума ала!
Бүген мәктәпкә әзерлек төркеме балалары могҗизалар, маҗаралар, һәм гаҗәеп сюрпризлар дөньясына чумдылар. Балалар биеделәр, җырладылар, шигырьләр укыдылар, әйлән-бәйлән уйнадылар, уеннарда рәхәтләнеп катнаштылар. Балалар бәйрәмнән, бик күп уңай хисләр, шатлык, куанычлар алды!
Иң куандырганы Кыш бабайдан бүләк алу булды.