Бүген "Кояшкай" балалар бакчасында «Сабантуй» бәйрәме узды. Сабантуй бәйрәме – татар халкының йөзек кашы булган зур бәйрәмнәрнең берсе. Ул – хезмәт һәм дуслык бәйрәме. Сабан туе - ул һәр кемнең көтеп алган изге бәйрәме. Бигрәк тә балалар бик көтеп алалар. Безнең балалар бакчасында тәрбияләнүче балалар да милли уеннарда үзләренең җитезлеген һәм осталыкларын күрсәттеләр: «Эй, дустым, чүлмәк ват», «Капчык киеп йөгерү», «Йомырканы кашыкка салып йөгерү», «Аркан тартыш», «Ат чабышлары». Барлык җирдә − уен-көлке, шаяру тавышлары ишетелеп торды. Сабан туе шулай шаулап-гөрләп үтте. Сабантуйда катнашучыларның бу матур милли бәйрәм турында онытылмаслык тәэсирләре озакка калачак.