Бүген өлкәннәр төркемендә тәрбияләнүче балалар үзәк китапханәдә язучысы Мөҗәһит Әхмәтҗанов һәм шагыйрә Лилия Садриева белән әдәби очрашуда катнаштылар. Язучыларның китап күргәзмәсе белән таныштылар, әсәрләреннән өзекләр, шигырьләр тыңладылар. Балалар, үзләре дә кунаклар алдында Мөҗәһит Әхмәтҗановның "Атна" шигырен саф татар телендә кунакларга сөйләп күрсәттеләр. Балаларның чыгышы кунаклар күңеленә хуш килде, алкышларга күмделәр. Бу очрашу балалар күңелендә бик зур тәэсир калдырды, горурлык хисләре тудырды.