Кеше hәр яктан да матур булырга тиеш. Әгәр дә тышкы яктан кеше чибәр булып, эчендә начар уйлар булса, ул инде яхшы кеше булмый. Кешелекле, мәрхәмәтле, изгелекле булу, кешеләргә авыр чакларда ярдәмгә килү - hәркемгә дә кирәк сыйфатлар. Менә шундый матур сыйфатларны балаларыбызга тәрбияләү-тәрбиячеләрнең төп максаты булып тора. Максатыбызга ирешү өчен бакчабызда төрле чаралар үткәреп торабыз. Ел саен инвалидлар ункөнлегендә районыбызда яшәүче сәламәтлекләре чикле кешеләр белән очрашу безнең "Кояшкай" балалар бакчасында матур традициягә әйләнде. Быел без "Изгелек - кеше бизи" дигән акция игълан иттек. Бу акциягә ата-аналар, бакчабызда эшләүче барлык хезмәткәрләр бик теләп кушылдылар. Инвалидлар өчен бик күп канцтоварлар җыелды. Тәрбияче Гөлшат Әгъзамова белән без мәктәпкә әзерлек төркеме балалары белән "Шатлык" социаль хезмәтләр күрсәтү үзәгенә барып, андагы сәламәтлекләре чиклеләргә җыелган әйберләрне бүләк итеп кайттык. Алар безне бик шатланып каршы алдылар. Безнең балаларыбызның йөзендә аларны кызгану хисләре чагылды. Бу очрашу hәркемгә җылы мизгел бүләк итте