Бозда үз-үзеңне саксыз тоткан очракта имгәнүләр, көтелмәгән боз киту һәм салкын суга яки боз астына төшү куркынычы бик зур. Су объектларында үз-үзеңне тоту кагыйдәләрен төгал үтәргә, истә калдырырга кирәклеген күздә тотып, бүген уртанчылар һәм өлкәннәр төркеме балалары белән "Мин яшь коткаручы" дигән эстафета узды. Төрледән - төрле спорт уеннары уйнап балалар, бозда ничек, кайчан уйнарга, суга батучыга ничек ярдәм итәргә өйрәнделәр.Чарага клоун Клепаның килүе, балаларга бик тә охшады. Балалар белән берлектә Клепада кагыйдәләрне өйрәнде, балаларга рәхмәт әйтте. Гап-гади саклык чараларын үтәү- куркынычсызлыкның нигезе икәненә балалар инанды.