Мәктәп һәм балалар бакчасы-мәгариф системасында икесе янәшә тора. Баланың мәктәпкә әзерлексез килүе тискәре нәтиҗәләргә китерә: сыйныфта ул уңайсызлык кичерә, чөнки ул яңа режимга күчә.

Шуның өчен без балаларны мәктәпкә алдан әзерлибез, алар белән авырлыклар турында фикер алышабыз, килеп туган проблемаларны хәл итүнең ысулларын өйрәнәбез. Нәкъ менә мәктәпкәчә яшьтәге баланың мәктәп белән танышуы, аларга үз белемнәрен уңышлы башларга һәм «яңа тормышка» күчүне җиңеләйтергә ярдәм итә.

Мәктәпкәчә яшьтәге бала өчен иң яхшысы – мәктәп буенча экскурсия үткәрү.

Һәм менә "Кояшкай" балалар бакчасының булачак беренче сыйныф укучылары үзләренең хыялларын тормышка ашырдылар. Безнең балалар бакчасы Р.Ш.Фәрдиев исемендәге татар гимназиясе белән тыгыз хезмәттәшлек итә. Мәктәпкә әзерлек төркеме балалары белән гимназиягә экскурсия үткәрелде.

Балаларга экскурсияне оештыручы педагог Лира Ильмир кызы үткәрде.

Балалар алдында искиткеч мәктәп тормышының яңа дөньясы ачылды. Аның озын зур коридорлары, якты уңайлы сыйныфлары, сөйкемле педагоглары балаларда яхшы тәэсир калдырды. Коридорлар буйлап узганда укучыларның рәсемнәрен карадылар, фотостендлардан укучыларның ничек яшәве һәм аларда нинди чаралар узуы турында белделәр. Аннан соң балаларны мәктәп музее белән таныштырдылар, анда аларны тарих укытучысы Белышева Анна Владимировна каршы алды. “Китапханәгә рәхим итегез", - дип каршы алды балаларны китапханәче Камалова Венера Гыйзар кызы . Кергәч, мәктәпкәчә яшьтәге балалар китап киштәләрен, утырып китап укырга мөмкин булган өстәлләрне һәм урындыкларны күрделәр. Венера Гизаровна китаплар күргәзмәсе әзерләгән иде. Балалар «китаплар тормышы» турында файдалы мәгълүматлар алдылар. Балалар китаплар саклана торган бүлмәгә кердек. Балалар киштәләрдә күпме китап тезелгәнен күрделәр. Узып барышлый физкультура залына да кереп чыктык. Булачак укытучылар Нафида Салихянова һәм Гөлназ Валерьяновна белән очрашу иң истә калырлык булды , алар дәресләрдә үз-үзеңне тотуның кайбер кагыйдәләре турында сөйләделәр. Мәктәпкә экскурсия аларга бик ошады. Булачак беренче сыйныф укучылары өчен кызыклы һәм файдалы экскурсия булды. Р. Ш. Фәрдиев исемендәге татар гимназиясе укытучыларына зур рәхмәт, киләчәктә дә уңышлы хезмәттәшлеккә өметләнәбез.