"Кояшкай" балалар бакчасында туган тел тәрбиячесе Миннебаева А. Ф. һәр эшчәнлекне уен формасында алып бара. Уен барышында балалар, үзләре дә сизмәстән, яңа татарча сүзләр өйрәнәләр. Бүгенге эшчәнлектә мәктәпкә әзерлек төркеме балалары, Казан шәһәренә юл тотты. Башта кассага барып билет сатып алдылар һәм автобуска утырып сәяхәткә киттеләр. Юлда тыюлык зонасында тукталдылар. Андагы җәнлекләрне бинокль аша күзәттеләр. Кафега туктап, татар халкының милли ризыклары белән таныштылар.  Юлларын "Казанга барам" җыры белән дәвам иттеләр. Тәрбияче аларга алдагы эшчәнлектә Казан шәһәрендә спорт бәйрәмендә катнашачакларын әйтте.