Халыклар дуслыгы йорты  оештырган проектка кушылып, мәктәпләрдә дуслык дәресләре уза.Бүген 8 сыйныф укучылары өчен  "Дуслык-күңелне җылыта" темасына сыйныф сәгате узды.Соңыннан укучылар  дуслык турында ачыктан-ачык сөйләшүгә чакырылдылар.Балаларның үз фикерләрен кыю әйтә белүләренә ,дөрес фикерләүләренә  күңел сөенә.

Бүген мәктәптә өлкәннәр көненә багышланган  кичә үткәрелде.Кичәгә  ветеран хезмәткәрләребез  һәм укучыларның әби-бабалары да чакырылган иде.Бәйрәм күтәренке рухта узды. "Кашыклар" ансамбле да, "театр  артистлары" чыгышы да кунаклар күңеленә хуш килде.Соңыннан бәйрәм чәй табыны артында  дәвам итте.

5-6 яшьлек балалар белэн Зәй шәһәрендэ "Теремкәй" балалар бакчасында үткэрелгэн ДО-МИ-СОЛЬКА фестивалендә катнаштык.Афәрин кызлар.

Бүген безнең мәктәптә "Наско" иминиятләштерү  компаниясе белгече Садыкова Сания апа укучылар белән финанс грамоталылык темасына дәрес уздырды.

Кадерле укучылар,хөрмәтле әти-әниләр! 23 сентябрь көнне экологик шимбә өмәсендә  мәктәп яны территориясен   тәртипкә китерергә рәхим итегез!!

Бүген шимбә өмәсендә  укучылар һәм мәктәп хезмәткәрләре мәктәп яны территориясен  коелган яфраклардан, мәктәп бакчасын чүпләрдән арындырдылар.Спорт мәйданчыгы да  тәртипкә китерелде.Тырышлыгыбыз нәтиҗәсенә куанып туймаслык булды

Бүген шәһәр үзәгендә мәктәп ярминкәләре гөрләде.Әлеге ярминкәгә без дә  үз өлешебезне бик теләп керттек

-Балаларны симметрияле формалар кисүнең яңа ысулы белән таныштыру.

-Эшләү барышында төрле материалларны яраштыру (кәгаз һәм табигый материалларны) күнекмәсен ныгыту.

-Көзге төсләр гүзәллеген күреп соклану хисен тәрбияләү. 

Бүген -Халыкара  Тынычлык көне.Әлеге уңайдан илебездә 2001 елдан башлап( аңа кадәр сентябрь аеның 3 нче сишәмбесе үткән) 21 сентябрь көнне "Тынычлык күгәрчене" акциясе уздырыла.Әлеге уңайдан Аксар мәктәбе укучылары да,   үзләре ясаган ак күгәрченнәргә   безгә тынычлык  бүләк иткән әби-бабаларының исемнәрен язып, аларны шарларга бәйләп күккә очырдылар."Без-тынычлык яклы.Безгә сугышлар кирәкми!"-диеп тибә иде бу минутларда сабыйларның йөрәге.

Физик әзерлекне ныгыту, сәламәт яшәү рәвешен пропагандалау максаты белән 16 сентябрьдә "Милләт кроссы-2017" узды.Әлеге чарадан безнең мәктәп коллективы да кушылды.