Сезне халыкара өлкәннәр көне белән ихлас күңелдән котлыйбыз. Сез илебез өчен, иң авыр һәм катлаулы чорда көчегезне, сәламәтлегегезне кызганмыйча, вакыт белән исәпләшмичә эшләгәнсез. Ватаныбызның күәтен артыру өчен, үзегезне аямыча, киләчәк буыннарның бәхетле тормышта яшәве турында кайгырткансыз. Сезнең барчагызның тормыш юлы сокландыргыч һәм һәркемнең күңелендә чиксез хөрмәт хисләре уята. Шушы уңайдан мәктәптә дә  әби-бабайларны хөрмәтләү чарасы үткәрелде. Укучылар тарафыннан монтаж, концерт номерлары әзерләнде. Әби-бабалар бик рәхәтләнеп үзләренең оныкларын карап утырдылар. Соңыннан алар өчен чәй табыны әзерләнде. Чарадан канәгатьләнү хисе белән таралыштылар.