Укучыларда фәнни-тикшеренү күнекмәләре формалаштыру, укучыларда телебезгә, милли гореф-гадәтләребезгә, рухи байлыгыбызга мәхәббәт тәрбияләү, сәләтле балаларны ачыклау hәм аларның үсеше өчен шартлар тудыру, фәнни эзләнүләрдә иҗадилыкка омтылыш тәрбияләү максатыннан 2015 нче елның 16 нчы апрелендә мәктәбебездә “Тау ягы: тарихы, мәдәнияте һәм рухи мирасы” исемендәге укучыларның I төбәкара эзләнү эшләре республикакүләм конференция узды. Анда республиканың төрле шәһәр һәм районнарыннан килгән укучыларның 41 фәнни-тикшеренү эше тыңланды.

   Жюри арасында: профессор Вәлиев Рәмзи Кәлим улы, КФУның тарих фәннәре кандидаты Гатин Аскар Александровия, Бөтендөнья  татар конгрессы Башкарма комитеты Яшел Үзән бүлекчәсе җитәкчесе - Мирхәйдәрова Әлфия Хәбир кызы һәм башка тәҗрибәле мөгаллимнәр иде. Янгыраган барлык фәнни эшләр һәм докладлар бик актуаль һәм кызыклы булды. Һәрбер чыгыш җанлы әңгәмә, дискуссия, фикер алышу белән үрелеп барды. 

   Фәнни – тикшеренү эшчәнлеге, чыннан да, укучыларның танып белү эшчәнлегендә зур роль уйный. Баланың эчке ресурслары: үзенең тамырларын, үткәнен белергә теләүләре – үзе мотивация.

  Гомумән, конференциянең оештыручылары нык тырышканнар иде. Жюри нәтиҗә ясаган, дипломнар тутырган арада, кунакларга үзләренең җыр-биюгә оста укучылар, укытучылар чыгышларын, “Аулак өй” фольклор бәйрәмен күрсәттеләр.