Кешене дөньяга  аваз салган көннән алып соңгы сулышына кадәр озата баручы аерылгысыз төшенчәләрнең берсе – аның газиз туган теле. Күңел байлыгы җанга телебез аша туплана. Үзенең туган телен белмәгән кеше үз халкының мәдәниятен, аның рухи байлыгын үзләштерә алмый.

        21 нче февраль – Халыкара телләр көне  уңаеннан ана телебезнең сакланышы, яшәеше һәм камилләшүе максатыннан  мәктәбебездә төрле чаралар үткәрелде. Бу уңайдан ачык дәресләр, китап күргәзмәләре, интеллектуаль уеннар, сочинениеләр бәйгеләре оештырылды. 6 нчы сыйныф укучылары белән “Хикмәтле дә, бизәкле дә туган тел”  дигән КВН уздырылды. Телебезнең байлыгын, грамматиканы, халык авыз иҗаты мирасын  белү буенча  командалар көч сынашты. Китапханә дәресендә балалар телебезнең бетмәс-төкәнмәс рухи хәзинәләр чыганагы булуына тагын бер кат инандылар. Бик теләп, саф татар телендә аралаштылар.