17 октябрьдә 16нчы мәктәптә "Көзге бал" бәйрәмнәре узды. Укучылар аңа бер ай ныклап әзерләнделәр: мәктәп бизәлде, 1 – 6 сыйныф укучылары «Җимешле агачның башы түбән» дигән темага рәсемнәр һәм табигый материаллардан эшләмәләр ясадылар. Барлык классларның да табигый материаллар белән тудырылган көзге эшләмәләре үзенчәлекле иде. Бу бәйгедә укучылар үзләренең фантазияләрен күрсәтә алдылар, бик күп эшләмәләр ясап китерделәр. "Көзге бал" бәйрәменең алып баручылары 3 нче сыйныф укучылары иде. Алар “Батыр маҗаралары” дигән әкият-тамаша куйды. Әкият караганда без барыбыз да андагы геройлар белән сихри дөньяда йөрдек . Бәйрәм программасы буенча һәр класс ясалган чыгышларында көзге матурлыкны һәм муллыкны мактап, төрле номерлар тәкьдим итте. Бәйрәм матур биюләр, күңелле җырлар белән үрелеп барды .Төрле яшелчәләр һәм җиләк-җимешләр булып киенгән укучыларның йөзләрендә елмаю балкып торды. Аларның һәр чыгышын залда утыручылар сокланып карады. Кичке бәйгеләрдә 8-9-10 сыйныф командалары көч сынашты. 3 турдан торган бәйге барышында һәр команда үзләренең әзерлекле булуларын раслады, иҗадилыкларын һәм бердәмлекләрен күрсәтте. Без бәйрәмебездә көзгә багышланган җырлар җырладык, шигырьләр сөйләдек, уеннар уйнадык, рәхәтләнеп ял иттек.