Билгеле ки, безнең мәктәпнең күптәнге традиция бар. Ул да булса, ел саен 19 нчы май көнне, Пионерия көнендә, урманга походка бару. Быел да, шул традицияне онытмыйча, мәктәбебезнең укытучылары һәм 5-11 сыйныфлары укучылары, иртәнге сәгать биштә мәктәп бинасы янында җыелып, мәктәбебезнең урмандагы махсус урынына юл тоттылар. Шунда барып җиткәч, сыйныфлар урнашырга һәм олы учак өчен ботаклар җыярга керештеләр. Олы учак әзер булгач, балалар, аның каршында җыелып, төрле җырлар җырлый башладылар. Һәм кайбер укучылар шул вакытта "2"леләр булган көндәлекләрен яндырдылар. Шулай ук укучыларга көн тәртибе игълан ителде. Аннары сыйныфлар үзләренең бивакларга таралдылар. "Иң тәмле поход ризыгы", "Иң файдалы эчемлек", "Иң дус сыйныф" номинацияләренә әзерләнү, спорт уеннары һәм башка чаралар укучылар хәтерләрендә әле озакка калачак дип өметләнәбез.