“Театр – яктылыкка, нурга илтә,

Кире юлга җибәрми, уңга илтә.

Г.Тукай.

Казан – сәнгать үзәге дә.20 сентябрь көнне гимназиянең 8Б,9Б,10 сыйныф укучылары һәм бер төркем укытучылары милли классик драмтургиянең Кәрим Тичурин исемендәге VI Республика театр фестивале кысаларында С.Өметбаев исемендәге Минзәлә татар дәүләт драма театры сәхнәләштерелгән Г.Исхакыйның татар халкының гореф – гадәтләрен, хис – тойгыларын чагылдырган “Сөннәтче бабай” спектаклен карап кайттык.Сәхнәдәге җыр, моң, матурлыкны күреп сокландык. Ә әсәрне сәхнәләштергән режиссер Ринат Әюпов сәхнәгә менгәч зал аягүрә басып алкышларга күмде. Безнең фикеребезчә,бу әсәрне караганнан соң, йолалар сакланыр, халкыбыз таза- чиста намус белән яшәвен дәвам итәр.