Конференция кысаларында дүрт секция эшләде: «Фәнни-гамәли бүлек», «Филология»,  «Тарих, туган якны өйрәнү һәм мәдәният бәлеге»,  «Ата-аналар җәмәгатьчелеге». Фәнни тикшеренүләрен Яшел Үзән муниципаль районы һәм Татарстан Республикасы укучылары һәм укытучылары гына түгел,  Россия Федерациясе төбәкләре вәкилләре дә тәкъдим итте. Конференция аудиториясе ел саен арта бара. «Возрождение нации» («Милләтне яңадан торгызу») V Республикакүләм фәнни-гамәли конференциясендә катнашучыларның барысы да катнашу шәһадәтнамәсе, II һәм III дәрәҗәдәге Дипломнар, ә җиңүчеләр I дәрәҗә дипломнар, статуэткалар һәм медальләр белән бүләкләнде.