5 нче март көнне гимназия күләмендә “Ел укучысы” бәйгесе оештырылды. Бәйге 8-10 нчы сыйныфлар арасында үтте. Укучылар портфолио һәм визитка өлешендә үзләрен яклап чыгыш ясады. Бәйге өч этапка бүленгән иде: эрудитлар, иҗади һәм 2014 нче ел – Мәдәният елы уңаеннан, чыгыш әзерләргә кирәк булды. 7 укучы “Эрудит укучы” (Мөхәммәтшина Резедә 10 нчы А), “Иҗади шәхес”( Талипов Илназ 8 нче А), “Тамашачы күңелен яулаучы” (Мөхәммәтгалиева Алинә 10 нчы А), “Оста сөйләүче” (Хәйруллина Камилә 9 нчы Б), “Иң талантлы укучы” (Абдуллин Айнур 8 нче А), “Ел ачышы” (Хөсәенов Илнур 9 нчы А) номинацияләре өчен көрәште. Гимназиянең “Ел укучысы” исеменә барлык этапларны да уңышлы узып һәм 69 балл җыйган, 8 нче А сыйныфы укучысы Сафиуллин Салават лаек дип табылды. Барлык катнашучыларга истәлекле бүләкләр һәм грамоталар тапшырылды. Киләчәктә дә аларга уңышлар һәм яңа үрләргә ирешүләрен теләп калабыз.