Табигать – ул безнең Җир-Анабыз. Ул безне туендыра, саф һавасын сулата, күңелләребезне ял иттерә. Әмма без, кешеләр, һәр очракта да  аның бу мәрхәмәтләренә тиешенчә рәхмәтле була беләбезме соң? Юк, әлбәттә. Аның сый-хөрмәтеннән файдаланып,  үз кирәгебезне алып, агач-куакларга зыян салабыз, рәхәтләнеп ял иткәннән соң, артыбызда бер өем чүп-чар калдырабыз, сулыкларын пычратабыз.

Яшәгән шәһәр-авылларыбызда тәртип, пөхтәлек булдыру – анда гомер итүче һәркемнең  изге бурычы. Менә быел да яз соңлап килә дип тормадык, инде әллә кайчан көрәк-тырмаларны  кулга алып, йорт алларын, эш урыннарындагы территорияләрне тәртипкә китерә дә башладык.  27 нче апрель көнне, дәресләрдән соң барыбыз да бергәләп өмәгә чыктык. Бер төркем укучылар һәм укытучылар  юл кырыйларын чистарту , юл буенда аунап яткан пыяла һәм пластик шешәләр, консерва калайлары, сок пакетлары, башка төр чүп-чар җыю белән шөгыльләнде. Табигать тә безгә теләктәшлек белдерде, көн чалт аяз торды. Инде киләчәктә безнең тырышлыклар бушка китмәс, бу урынга килүчеләр үз артларыннан чүп-чарларын җыеп китәрләр, табигатьне рәнҗетүгә юл куймаслар, дип ышанасы килә.

26 апрельдә, бөек шагыйребез Габдулла Тукайның туган көнендә, татар халкы Туган тел көнен билгеләп үтә. Башка бәйрәмнәр һәм истәлекле көннәр белән беррәттән бу көн һәркайсыбызның күңелендә аерым урын биләп тора.

Әлеге максаттан безнең Карауҗа урта гомуми белем бирү мәктәбендә 26нчы апрель көнне Туган тел көне билгеләп үтелде. Кичә мәктәпнең татар теле кабинетында үткәрелде. Бәйрәмне Г. Тукайның «Туган тел » шигыре белән башлап җибәрдек.  Кичәне 7 нче сыйныф укучылары Юсупова Г. Һәм Нигматзянова Р. алып бардылар. Шулай ук 7 нче сыйныф укучылары Шакиров А. Һәм Саляхова Г. Тукай иҗаты турында мавыктыргыч итеп чыгыш ясадылар. 10 нчы сыйныфтан Зарипова А, Залялиева А, Галиуллина Й. Тукай шигырьләрен рус теленә тәрҗемә итеп , үзләренең хезмәт җимешләрен укучыларга җиткерделәр.

            Кыска гына гомерендә гаҗәп үткен һәм кыю шигырьләр язган, Шүрәлесе һәм Су анасы белән күпме укучыларны тәрбияләгән, милли героебызга әверелгән Тукайның туган көне зур бәйрәмгә әверелде.  Кичәне татар теле һәм әдәбияты укытучылары Мингазова А.А. һәм Шакирова Р.Р. оештырдылар.

Мин бүген бик сәер, куркыныч төш күрдем.

        Буш калган шәп- шәрә җир өстендә йөрдем.

          Урман да, кырлар да, елга да югалган,

Бар җиһан карага төренеп, чишмәләр тын калган.

"Табигатьне саклагыз!" Бу сүзләрне без бик еш ишетәбез. Әмма, аларның чын мәгънәсен без аңлап бетерәбезме икән? Һәрвакытта да аңлап бетермибез шул. Ә бит бу сүзләргә киләчәгебез турыңда зур мәгънә салынган. 7 нче һәм 3 нче сыйныф укучылары белән “Табигатьне саклыйк!” экологик яшьләр тапшыруын әзерләгәндә педагог-оештыручы Шигабуллина Гөлнара Тахир кызы әлеге проблеманы күз алдында тоткан. Җир йөзенең пычрануы, юкка чыгу куркынычын шигырьләр, репортаж-презентация һәм театр аша күрсәтә алуга иреште. Укучыларда “киләчәгебез безнең кулда” дигән өмет уята алды.      

Геогарфия фәне иксез, чиксез, эзләнүләргә корылган мавыктыргыч, бай фән икәнлегенә укучылар тагын бер кат инанды. 9-10 нчы сыйныф укучылары арасында үткәрелгән “Брейнг-ринг”  Россия икътисады һәм экологиясе багышланган иде. Европа һәм Азия командалары шаян да, шул ук вакытта җитди, белемле булуларын күрсәтә алдылар. Уен тигез очко белән тәмамланды. География укытучысы Шигабуллина Гөлнара Тахир кызы һәр командага да рәхмәт белдереп, баллы призлар өләште.

                     Апрель, май- мәктәп яны территориясе чистарту  һәм төзекләндерү айлары. Һәр чәршәмбе һәм шимбә көннәрендә мәктәбебездә өмә үткәрелә. Бүгенге өмәдә  өлкән сыйныф укучылары  күләгә урыннардагы карларны тараттылар,  ә урта сыйныфлар- мәктәп урамын чистрату һәм төзекләндерүдә булыштылар. 

                 Туган авылыбыз Карауҗа- борынгы авыл. Аның тарихы Казан ханлыгы чорына барып тоташа. Бу турыда галимә Фирдәвес Гарипованың “ Авыллар тарихыннан” һәм    “ Авылларны сөям җаным- тәнем белән” китапларында бай мәгълүмат урнаштырылган.

Ә бүген мәктәбебез укучылары   Яшел Үзән шәһәренең 11нче мәктәбендә уздырылган“ Туган җирем” муниципаль конкурсында аның бүгенге тормышы, озак еллар буе эшләп килгән күмәк хуҗалык тарихы, авылны яшәтүгә күп көч куйган тырыш  кешеләре турында сөйләделәр. 10 нчы сыйныф укучылары Насыйбуллина Алисә, Зарипова Алия, Зайнуллина Зөһрә ,“ Мичринский” совхозының тарихын өйрәнүгә багышланган күмәк эш белән чыгыш ясап, 1 нче урынны яуладылар. Ә 7 нче сыйныф укучылары Шакиров Айрат, Нигъмәтҗанова Рәзилә һәм Сәләхова Гөлнар  конкурста актив катнашкан өчен  сертификат белән бүләкләнделәр.

                Укучыларны  конкурска тарих укытучысы Зарипова Фәнисә Фәйзрахмановна һәм татар теле, әдәбияты укытучысы Минһаҗева Әлфия Әсхәтовна әзерләделәр

           Выбор профессии- это сложный и ответственный шаг в жизни человека. Однако при этом  выпускника школ приходится сталкиваться с различными трудностями. Но важно одно: они должны максимально выбрать профессию по душе, по своим склонностям, сделать правильный выбор.

            Именно на эту тему говорили сегодня   в нашей школе специалисты Центра труда и занятости г. Зеленодольска  в ходе профориентационного часа. Они занимательно рассказали об огромном мире профессий, об их классификации.  Также  среди учащихся проводили анкетирование  с целью оказания помощи в выборе их  будущей профессии, рассказали об учебных заведениях г. Зеленодольска, отвечали на вопросы учащихся.

   Бүген мәктәбебез укытучыларының  спорт командасы волейбол буенча муниципаль Спартакиадада катнаштылар. Алар Зеленодол шәһәре һәм район ының 20 мәктәбе командалары белән көч сынаштылар. Киеренке уеннарда укытучыларыбыз 7 нче урынны яуладылар. Коллегаларыбызны  бу ярышларда уңышлы чыгыш  ясаулары белән котлыйбыз! 

 18 нче марттан 23 нче мартка кадәр мәктәптә математика һәм физика атналыгы үтте. Атналык   дүшәмбе  көнне 5,6 нчы сыйныфлар өчен оештырылган математик кичә – КВНбелән башланып китте.  Кичә барышында төрле конкурслар үткәрелде. Укучылар                 “ Төгәллек ”, “ Рәссамнар ”, “ Игътибарлылык ”, “ Кем җитезрәк” , “ Таблицаны беләм”,            “ Атла-атла, уйлап атла”, “ Сүзләр тап”, “ Пантомима” конкурсларында катнашып , үзләренең математика фәне буенча булган белемнәрен сынадылар. “ Без – математик шагыйрьләр”  конкурсы укучыларның күнеленә аеруча хуш килде. 6 нчы сыйныф укучылары Насибуллина Эльвина һәм Миндубаева Илюзә , математик терминнар кулланып , 6           һәм 4 сторфалы шигырьләр язып килгәннәр.

 Сишәмбе көнне 9,10 нчы сыйныфлар өчен физикадан “Зиһен базары” дип исемләнгән чара үткәрелде. Уен 4 турдан торды.Укучыларга  физикадан төрле кызыклы сораулар һәм иҗади биремнәр тәкъдим ителде, ә иң кызыклысы-  сораулар ярдәмендә                 “ Кара тартма”да ни барын ачыклау  иде.

Чәршәмбе көнне 7 нче сыйныфлар өчен “ Математика һәм физика дулкынында “ дип исемләнгән кичә оештырылды. Кичәдә укучылар  диңгез буйлап  сәяхәткә  чыктылар.Һәр команданың капитаны, штурманы, лоцманы, радисты, кок һәм юнгасы юлда очраган күренешләргә, биремнәргә фәнни законнарга таянып төгәл җаваплар бирделәр.

            Пәнҗешәмбе көнне 8 нче сыйныфлар өчен физикадан  “ Смотр знаний” дип исемләнгән КВН , ә җомга көнне 9,10 нчы сыйныфлар өчен “  Физик калейдоскоп” дип  исемләнгән викторина үткәрелде. Атналык шимбә көнне 9,10 нчы сыйныф укучылары катнашкан    “ Геометриядә – ышанмаслык чынбарлык” дип исемләнгән класстан тыш чара белән төгәлләнде. Кичәдә  катнашучылар геометрия фәненең барлыкка килү тарихы, Евклидның     “ Геометриягә баганалы юл юк”  легенда – әйтеменең  килеп чыгышы,                    “ Евклидча булмаган геометрияне ачу” тарихы, “ Мебиус тасмасы” белән таныштылар. Кичәнең ахырында  математик гимн башкарылды. Һәр чарага  йомгак ясалды, җиңгән һәм җиңелгән командаларга  “тәмле призлар”-шоколадлар тапшырылды. Атналык югары методик дәрәҗәдә үткәрелде, ул  укучыларның математика һәм физика фәннәре белән кызыксынуларын арттыру, алган белемнәрен  тормышта, көнкүрештә кулланырга өйрәтү, фикерләү сәләтләрен үстерү  һәм  укучыларга эстетик тәрбия бирү максатларын күздә тотып оештырылды.

Әлеге чараларны югары һәм беренче  категорияле математика укытучылары  Хакимуллин Илдар Хабибрахманович һәм  Галявиева Фәридә Гаптулбариевна әзерләделәр.

     Сегодня наша школа принимала гостей зональных соревнований по волейболу. Встретились спортивные команды Кургузинской, Раифской, Большеякинской и Большеключинской СОШ. Каждая из них показала хорошую подготовку, выносливость, волю к победе. Но победили сильнейшие.  Соревнования закончились следующими результатами:

            Юноши: 1 место- Кургузинская СОШ, 2место- Большеякинская СОШ, 3 место- Раифская СОШ.

            Девушки: 1 место- Большеякинская СОШ, 2 место- Кургузинская СОШ.

      Желаем всем командам дальнейших спортивных  успехов, а команде юношей нашей школы- хорошей игры в полуфинале.