Җиңү бәйрәмендә мәктәптә сугыш,тыл ветераннары һәм  сугыш чоры балалары белән очрашу булды. Зал бәйрәмчә бизәлгән иде. Чәй өстәлендәге сый –хөрмәт шәхси эшмәкәр Шәмсиев Илнар Сәлимҗанович ярдәме белән әзерләнде.Бәйрәм тамашасы укучылар чыгышы белән башланып китте.Аннан мәктәп директоры Саттарова Г.Р. чакырылган кунакларны тәбрикләп:“Безнең Сезнең алыгызда бурычыбыз сугыш китергән авырлыкларны балаларга җиткерү.       Җирдә бары тынычлык булса гына  киләчәгебезнең якты булуына төшендерү ” – диде. Җирле үзидарә башлыгы Шәмсиев С.Р.сугыш һәм тыл ветераннарына вакытлыча президент вазифасын башкаручы Миннеханов Р.Н., район һәм шәһәр башлыгы Тыгин А.В. һәм “Кызыл Шәрыкъ» компаниясеннән тәбрикләүләр һәм бүләкләр тапшырды. Шулай ук бәйрәмдә районнан килгән төзелеш департаменты җитәкчесе Шәрифҗанова А.Р. шул ук оешмадан  баш белгеч Анехина Н.Н.ларның җылы сүзләр белән тәбрикләве барыбызга да  бик ошады.Соңыннан укучылар күңел җылыларын салып үз куллары белән әзерләгән чәчәкләрен, ә Татарстан Республикасы яшьләренең аграр оешмасы”(Региональная общественная организация «Аграрное молодежное объединение  Республики Татарстан»)вәкилләре очрашуда катнашучыларга георгий лентасын(«Гео́ргиевская ле́нточка»)  бүләк иттеләр

          Сугыш ветераны Яруллин М.Я.,Ленинград блокадасын кичергән Вәлитова В.С.,Ганиева С.С.,тыл ветераны Яруллина Р.В.,авыл имамы Тимуршин Ф.Д. һәм ветераннар советы рәисе Борһанова З.М. чыгыш ясадылар. Ибатуллина С.Г. мөнәҗәтләр әйтте.Укучылар һәм укытучылар кунакларга концерт күрсәттеләр.

         Бу тантана бәйрәмгә катнашучыларның күңелендә онытылмаслык җылы хисләр калдырды.