15 нче октябрь көнне Каразирек мәктәбенең башлангыч сыйныф укучыларына мәдәни көндәлекләр тапшырылды. Ел саен укучыларда бу көндәлекне тутыруга кызыксыну арта бара. Чөнки көндәлекнең эчтәлеге елдан-ел баетыла. Шуңа да укучылар кызыклы әсбапны кулларына зур теләк белән алалар. Көндәлек өстендә даими эш алып бару өчен әти-әниләрдән дә игътибар сорала.

                                                                                                                         Гүзәлия Котдусова

15 нче сентябрь  көнне Каразирек мәктәбендә башлангыч  сыйныф укучыларына мәдәни көндәлек тапшыру тантанасы узды.Проект республикабызда 3 нче ел уздырыла инде. Проект республикабызның тарихи-истәлекле урыннарына, төрле мәдәни чараларга юл күрсәтер һәм рухи байлыкларыбыз белән якыннанрак танышырга ярдәм итәр дигән теләктә калабыз. Чарада шулай ук авыл китапханәчесе Карипова Ф.Н., мәктәп китапханәчесе Котдусова Г.Р.да теләп катнаштылар һәм укучыларга изге теләкләрен җиткерделәр.
Люция Касимова

"Игътибар, балалар!" айлыгы кысаларында Каразирек мәктәбенең 7 нче сыйныф укучылары арасында "Юл йөрү кагыйдәләрен белүчеләр" викторинасы үткәрелде. Чараның беренче өлешендә тормыш куркынычсызлыгы нигезләре фәне укытучысы Ильясов Р.С. укучыларга юлда үтәлергә тиешле кагыйдәләрне тагын бер тапкыр кабатлап, аерым мисалларда аңлатып күрсәтте. Экранда күрсәтелгән ситуацияләрне чишү, җавапларның дөреслеген тикшерү укучыларда зур кызыксыну уятты. Белгәннәрне тормышта урынлы кулланырга, белмәгәннәрен өйрәнеп бетерергә кирәк дигән нәтиҗә ясады укучылар. Юлларыбыз һәрчак имин булсын! 
Калимова Г.Р.

15 нче сентябрь көнне 5 нче сыйныф укучылары Татарстан Варислары Берлегенә кабул ителде. Муса Җәлил исемендәге дружина сборында отрядлар рапорт бирделәр, ел дәвамында башкарылган эшләргә кыскача анализ ясалды. Бәйрәмнең икенче өлешендә 5 нче сыйныф укучылары җырлар башкарды, шигырьләр сөйләде, варисларның законнарын искә төшерделәр, тантаналы рәвештә  галстуклар тагылды. Соңыннан педагог- оештыручы А.М. Гарипова  тарафыннан  тышта күңелле хәрәкәтле уеннар уздырылды. Әлеге чара ватанпәрвәрлек хисләрен үстерү, бердәмлекне булдыру максатыннан оештырылды.

"Игътибар, балалар!" айлыгы кысаларында 1 сыйныфта "Юлда йөрсәң бул уяу!" темасына сыйныф сәгате узды.Укучылыр юлны  кайдан аркылы чыгарга яраклыгы, юлның кайсы ягыннан йөрү кирәклеге белән таныштылар. Аннары алган белемнәрне практикада ныгыту өчен урамга-юл билгеләре  куелган урынга чыктылар. Аларга юлны аркылы чыкканда "Җәяүлеләр чыгу урыны" дигән   юл билге  куелган урыннан гына чыгарга кирәклеге аңлатылды. Бу җирдән үзләре дә чыгып карадылар. 


-- 
Рита Файзрахманова

В благотворительной акции "Добрый Ютазинец" все классы приняли активное участие. В пункт  по сбору вещей поступили от учащихсяся школы различные канцтовары (тетради, ручки, книги, карандаши и т.д.). Спасибо всем классам!

Каразирек мәктәбенең волонтёрлар отряды  әгъзалары "Добрый ютазинец" акциясендә актив катнашып, ярдәмгә мохтаҗ укучылар  өчен уку-язу әсбаплары җыюны оештырды. Бу изге эшкә һәркем үзеннән өлеш кертергә тырышты. Кылган яхшылыкларыннан укучылар канәгать калды.   

                                                               Гүзәлия Котдусова

Г. Вильданов исемендәге Каразирек урта мәктәбе. 9 нчы сентябрь көнне 5 нче сыйныфта ата- аналар җыелышы узды. Класс җитәкчесе Гарәфиева Ф.Р  яңа уку елына кабинетны ремонтлауда катнашкан өчен барлык ата-аналарга рәхмәт җиткерде. Җыелышта “Сәламәт яшәү рәвеше нәрсә ул? “ темасына чыгыш ясалды, дәресләргә әзерлек, күчеш чорында балага укуында ярдәм итү, кайнар аш белән тәэмин итү, юл йөрү кагыйдәләрен үтәү, ярминкә оештыру мәсьәләләре каралды.

Класс җитәкчесе Гарәфиева Ф.Р.

9 сентября было проведено родительское собрание, где выступила фельдшер ФАП Нуруллина Альфира Муслимовна с докладом о вакцинации против гриппа. Она рассказала о симптомах проявления гриппа и как защитить себя от его осложнений.