30 нчы гыйнварда Чаллы шәһәренең М.Вахитов исемендәге 2 нче гимназия базасында “Без тарихта эзлебез” дип исемләнгән республикакүләм фәнни гамәли конференциянең йомгаклау туры узды. Әлеге чара Татарстанда 2012 нче елның Тарихи – мәдәни мирасны үстерү елы дип игълан ителүе уңаеннан, ТР дәүләт телләрен һәм башка телләрне саклау, өйрәнү һәм үстерү буенса дәүләт программасын тормышка ашыру максатыннан үткәрелде. Конференция эшчәнлегендә 8 -11 нче сыйныф укучылары  катнашты. Эшләр өч төркемгә ( татар теле, татар эдэбияты һәм тарих) бүлеп каралды. Йомгаклау этабында 61 эш тыңланды.

  Конференция эшендә безнең 9 нчы сыйныф укучысы Газизуллина Рүзилә дә уңышлы чыгыш ясап, сертификат алу бәхетенә иреште. Барлык чыгышлар да тирән эчтәлекле булды. Безнең фәнни эшебезнең темасы “Ачылмый калган шәхес” ( шагыйрь Сәхәветдин Миңлекәйгә) багышланган иде. Рүзилүгә киләчәктә дә уңышлар елмайсын! Һәрвакыт шулай актив бул!