19 нчы ноябрь көнне 8Б сыйныф укучылары сыйныф җитәкчеләре Касыймова Гөлнур Наил кызы белән берлектә “Казан” милли мәдәни үзәгенә  “Казанның мең еллыгы”  музеена бардылар. Укучыларыбызны  мәдәни үзәкнең хезмәткәрләре ачык йөз белән каршы алдылар. Экскурсовод  укучыларга  Алтын Урда чоры, ул чорга кадәр һәм аннан соң булган вакыйгалар турында тәфсилләп сөйләде. Укучыларыбыз ул чордагы кешеләрнең көн-күрешләре, бизәнү әйберләре, савыт-сабалары, киемнәре, эш кораллары белән таныштылар. Күренекле шәхесләребезнең  шәхси әйберләрен үз күзләре белән күрделәр. Укучылар бик кызыксынып тыңладылар, сораулар бирделәр. Бергәләп фотога төштеләр. Укучыларга бу музейдагы экспонатлар бик ошады.